अनाम वीरा

🇮🇳अनाम वीरा🇮🇳

💐💐💐💐💐

...नानाभाऊ माळी

पुत्र आमुचे आम्ही देश वंशाचे

एव्हरेस्टच्या शिखरावर डोले तेज तिरंग्याचे!धृ!!🇮🇳

गोठल्या हृदय ज्योती, सांडू दे अश्रू मोती

संगिणीस चढली कांती, अभंग आमुची माती

दक्षिण उत्तर पूर्व पश्चिम,हिंदवी नाम त्याचे!🇮🇳

हिमालय कठोर छाती, जोडुनी सीमेशी नाती

हरहर महादेव गर्जती, त्रिभुवनी नाचे किर्ती

चंद्र सूर्यही दिपूनी जाती, निरोप आमुचा पोहोचे!🇮🇳

काश्मीर आमुचा बाणा, कन्याकुमारीस फुटतो पान्हा

सुभाषचंद्र बोस राणा,टिळकांची सिंहगर्जना

मातृभूमीच्या उद्धारास्तव शपथ आमुची खेचे!🇮🇳

अभिनव आमुचा भारत, नवक्रांतीचा वारस

आशेच्या हिंदोळ्यावरी,संगिनीतुनी जिंकू पारस

पुत्र आमुचे आम्ही देश वंशाचे

एव्हरेस्टच्या शिखरावर डोले, तेज तिरंग्याचे!🇮🇳

💐💐💐💐💐💐💐

******************

....नानाभाऊ माळी

हडपसर, पुणे-४११०२८

मो.नं-७५८८२२९५४६

        ९९२३०७६५००

दिनांक-१५ऑगस्ट२०२२