देवाचिया भेटी (भगवंत मंदिर बार्शी, श्रीयोगेश्वरी मंदिर अंबाजोगाई (भाग -०७)

देवाचिया भेटी

   🌹🚩💐🚩🌹🚩

(भगवंत मंदिर-बार्शी,श्री योगेश्वरीमाता मंदिर-अंबाजोगाई)

           (भाग-०७)

🚩🚩🚩🚩🚩🚩🚩🚩🚩

****************************

... नानाभाऊ माळी 

         दररोज सूर्य उगवतो आहे!दररोज सूर्य मावळतो आहे!वेळ काळाचं योग्य नियोजन करून पृथ्वी सूर्याभोंवती फिरते आहे!योगेयुगे

तहहयात फिरते आहे!नियमानुसार फिरते आहे!आपणही पृथ्वीचेच अंश आहोत!आईपोटी जन्म घेतला असतो!धरणी मातेच्या कुशीत, निसर्गाच्या कुशीत आपण वाढत असतो!बुद्धी अन वयाने वाढत मोठे होत असतो!सर्व कसं निसर्ग नियमाप्रमाणे घडत असतं!मोठ होता होता काळ वेळे प्रमाणे आपण वृद्ध होत जातो!पृथ्वीवरील जीव सृष्टी देखील वेळेनुसार,काळानुसार जन्म ते मृत्यू असा प्रवास करीत असतें!सर्व कसं अनादी अनंत काळापासून घडत आलं आहे!🚩

मनुष्य प्राणी इतर प्राण्यांपेक्षा वेगळा आहे!आपल्याला बुद्धी नावाचं विशेष ज्ञानिंद्रीय दिल्याने भाव भावनांचा खेळ सतत आपल्या डोक्यात सुरु असतो!आपण जन्मल्या पासून पोटासाठी स्वार्थ,परोपकार,देणे, घेणे, कमविणे या चक्रव्यूवात फसतं जातो!नैतिक,अनैतिक सर्वचं पचवतं मनुष्य जन्माचा प्रवास सुरूच राहतो!मन नावाचं अजून एक चंचल घोडं मानवी देहात उधळत असतं!उधळतांना मर्यादांची सीमा रेषा ओलांडू नये म्हणून सामाजिक बंधन घालून जगणं सुरु असतं!लगाम लावून उधळणारं घोडं नियंत्रित करता येतं असतं!आंस -आसं हव्यासातं लिप्त मनरुपी घोड्याला पाण्याजवळ नेलं जातं असतं!आस्थेजवळ नेलं जातं असतं!आस्था आस्तिक होतें!चौखूर उधळणं कमी होत जातं!मन हव्यासापासून  अलिप्त व्हायला लागतं!दूर जायला लागतं!पृथक व्हायला लागतं!व्याकुळतेची ओढ लागायला लागते!मन संतुष्टीकडे ओढ लागते!तृप्तीकडे वाटचाल सुरु होते!आस्था श्रद्धा होऊ पाहते!🚩

आम्ही अशाचं श्रद्धेच्या पायरीवर डोकं ठेवायला गेलो होतो!आस्थेचीं आस्थेवाईकपणे ओळख करून घ्यायला गेलो होतो!हृदयातून ओळख करून घ्यायला गेलो होतो!मन शांतीसाठी गेलो होतो!श्रद्धातत्व समजून घ्यायला गेलो होतो!दिनांक ०१ एप्रिल २०२४ ते ०४ एप्रिल २०२४ दरम्यान देव यात्रेसाठी गेलो!🚩

०२ एप्रिल रोजी महाराष्ट्राचं श्रद्धादैवत,आराध्य दैवताचं दर्शन घेऊन पंढरपूरहुन निघालो होतो!पुढील प्रवासाला निघालो होतो!कडक उन्हाळ्यातील उगवत्या सूर्यनारायणाचा प्रसन्न मुखडा मनमोहक दिसत होता!आमची बस पळत होती!सोलापूर जिल्ह्यातील बार्शीकडे पळत होती!रस्त्यावर थांबून सकाळचा नाश्ता उरकला!सकाळचें नऊ वाजले होते!एप्रिल महिन्याचं बार्शीतील उन जाणवायला लागलं होतं!

भगवंत मंदिर अर्थात विष्णू मंदिर!अतिशय प्राचीन मंदिर आहे!बार्शी शहर ऐतिहासिक शहर आहे!शहरातील हे भगवंत मंदिर दगडी शिल्पातील कलाकृतीचा उत्तम नमुना आहे!मंदिराच्या कळसाकडे नजर टाकल्यावर छोट्या मोठ्या अतिशय सुंदर अशा कोरीव मुर्त्या मन मोहून घेत होत्या!बाहेर लाकडी सभामंडपावर अतिशय सुंदर कारगिरी केलेली दिसत होती!सुताराचं कसब त्यातून दिसत होतं!गाभाऱ्यातील भगवंत मूर्ती सर्वांग सुंदर दिसत होती!गाभाऱ्याभोवती दगडातील कोरीव नक्षीकाम पाहून घडवणाऱ्या शिल्पकारास नतमस्तक व्हावसं वाटत होतं!बार्शी शहरातील भगवंत मंदिरातं जाऊन मूर्तीवर माथा टेकवला!भगवंतास हृदयी घेत श्रद्धामृत हृदयी घेत राहिलो!श्रद्धा फळाला येत होती! भगवंतास अर्पण करून आम्ही बीड जिल्ह्यातील अंबाजोगाईकडे प्रयाण केले होतं!🚩

अंबाजोगाई येथील योगेश्वरी माता देवी पार्वती मातेचं साक्षात दिव्य रूप आहे!अंबाजोगाई शहर पौराणिक आणि ऐतिहासिक शहर आहे!जयंती नदीच्या काठावर असल्याने प्राचीन काळी जयवंती नगर म्हणूनही ओळखले जातं होतं!जोगाईची अंबाबाई जागृत देवस्थान आहे असे समजले जाते!हे देवस्थान शक्ती पिठांपैकी अर्ध शक्तीपीठ म्हणून ओळखलं जातं!विद्येचे माहेरघर असलेलं अंबाजोगाई म्हणजे आस्था आणि श्रद्धेचां परिपाठ आहे!🚩

योगेश्वरी मातेचं दर्शन थेट गाभाऱ्यात जाऊन घेता येतं!पूर्णतः घडीव दगडात असलेलं यादव कालीन मंदिर भक्तांच्या श्रद्धेचं ठिकाण आहे!योगेश्वरी देवी मुळात कोकणातील लोकांची कुलस्वामिनी आहे!श्री योगेश्वरी मातेचा विवाह परळीतील श्री वैजनाथ यांच्याशी होणार होता!पहाट झाली!कोंबड आरवलं!विवाह मुहूर्त टळला होता!विवाह न होता देवी कुमारीकाचं राहिली!कोकणातील देवी कोकणात न जाता येथेच राहिली!अशी आख्यायिका आहे की दंतासूर नावाचा असुराचा वध जोगेश्वरी मातेने केला आहे!मंदिरात देवीची मूर्ती असून पाच मजली कळस आहे!उत्तम कलाकृतीचां संगम आहे!श्री योगिश्वरी माता योगसाधनेची देवता मानली जाते!नागांच्या राजाची राजकन्या म्हणूनही योगेश्वरी मातेच महत्व आहे!

मंदिरातं दोन दीपमाळा असून उत्तर प्रवेश द्वारातून आत जाता येतं!येथे शतचंडी होम केला जातो!अभिषेक केला जातो!देवीमाता उत्तराभिमुख आहे!श्रद्धामाता श्री योगेशरी देवीचं दर्शन घेऊन बाहेर पडलो!हृदयी आनंद सागर काठोकाठ भरला होता!दर्शन अभिलाषेनें आलो होतो!हृदयी तृप्तीचा आनंद घेऊन निघालो होतो!पुढील देवदर्शन परळी वैजनाथसाठी निघालो होतो!🚩

🚩🚩🚩🚩🚩🚩🚩🚩🚩

****************************

... नानाभाऊ माळी

हडपसर,पुणे-४११०२८

मो.नं-९९२३०७६५००

दिनांक-१३ एप्रिल २०२४

nanabhaumali.blogspot.com