वावर पिकाडसं सोनं
वावर पिकाडसं सोनं
🌷🌷🌷🌷🌷
***************
...नानाभाऊ माळी
चकरा मारीसनी पोऱ्या
दुसरानी भरीसनी खोय
पैसा पानीनां खेयम्हा
मांगे चालनं गये वय!🌷
वक्खरं इचरें जमीन
वर भुर भुरायी खाद
भु शिकेल पोऱ्यानी
सोडा नवकरीनां नांद!🌷
वावर पिकाडंस सोनं
राबी गायेस घाम
जिमीन हिरवयगार
मुखे म्हनंस राम ....!🌷
हेरले पानी महामूर
खेते टाके बिजवाई
लांगी व्हावाडे पानी
थके पानी वाई वाई.!🌷
आउत हाकली पोऱ्या
व्हयना रें जिमीनदार
संगे मोटर बंगला माडी
मव्हरे चालनं घरदार!🌷
🌸☘️☘️🍀🍀🌸
*******************
...नानाभाऊ माळी
मु.पो.ता.शिंदखेडा,जि.धुळे
(ह.मु.हडपसर,पुणे-४११०२८)
मो.नं-९९२३०७६५००
७५८८२२९५४६
दिनांक-०२जून२०२२
Comments
Post a Comment