आखाजी माहेरनी याद
आखाजी माहेरनी याद
🌹🌹🌷🌷🌹
***************
...नानाभाऊ माळी
माहेरनी याद माय
उज्जी सतावस माले
जलमन्ही वल्ली माटी
जीव व्हस वर खाले....!🌹
रीत लायी ग्यात जुनी
मन्हा माहेरनी अबादानी
सासरम्हा नवा जलम
सुरू व्हयनी कहानी..🌷
माय माहेरनी याद
याद व्हस रोज वल्ली
झोका खेयेत रहायनू
इसरी चालनूनां दिल्ली...!🌷
याद सबदम्हा वल्ली
इसरी जासू जुनी गल्ली
झोका खेयेतं राह्यनू
व्हयी रहायनू मो धल्ली..!🌷
उना आखाजीनां सन
मन व्हडास माहेरलें
भाऊ बहीण माय बाप
पंघरी लेस झावरले....!🌷
याद भिंजातं ऱ्हास
व्हस झावर वल्ली
स्त्री जलमना खेयमां
आंडेरं व्हयी जास धल्ली!🌷
🌹🌹🌹🌹🌹
******************
..नानाभाऊ माळी
मु.पो.ता.शिंदखेडा,जि.धुळे
ह.मु.हडपसर,पुणे -४११०२८
मो नं-७५८८२२९५४६
९९२३०७६५००
दिनांक-०३मेआखाजी२०२२
Comments
Post a Comment