परतूनी ये रें पाखरा

🙏परतूनी ये रें पाखरा🙏

*********************

...नानाभाऊ माळी

🌷🌷🌷🌷🌷🌷🌷

नऊ मासाचे ओझे घेत

 थकूनि आई जात होती

  प्रसूती वेदनेत स्वतःचा

  पुनर्जन्म पहात होती...!

टाहो फुटूनी कानी पडला

बाळासोबत आई जन्मली

कळा सहूनी देहातुनी

 आत्मतृप्तीतं बाई रमली...!

 जन्मासाठी आतूर झाले

कुशीत उपकार घेत होती

अमोल ऋण हृदयासोबती

 ती बाळाचे मुके घेत होती....!

तगमग व्याकुळतेने एकटा

 डोळे लावून बसलो होतो

कानी शब्द पडावे गोड 

 ठोके मोजीत दिसलो होतो!

जिथे कुठे जात होतो

कानासोबत येत होतो

पुत्र जन्माच्या नवलाईतुनी

बाप म्हणून घेत होतो...!

पुत्र झाला राजकुमार

पुरुषत्वाला पहात होतो

जगावेगळा आनंद घेत

वारसा गीत गात होतो....!

पुत्र झाला राजबिंडा

सर्वात देखणा एक होता

आनंदाची फुले उधळीत

हृदयानेही नेक होता....!

धाडसाचे पाऊल टाकीत

 परदेशी दूर निघून गेला

अमोल ऋण मातृ-पितृचे

धडा नवा शिकुनी गेला..!

परतुनी तू येरे पाखरा

 अजूनी माघारी येणे नाही

"या जन्मी तरी येशील ना?

 अश्रू नयनी विचारते आई!"

**********************

☘️☘️☘️☘️☘️☘️☘️

...नानाभाऊ माळी

हडपसर,पुणे-४११०२८

मो.नं- ७५८८२२९५४६

         ९९२३०७६५००

दिनांक-०२ऑक्टोबर२०२१