🌹!! सोनेरी पान !!🌹

🌹!!सोनेरी पान!!🌹

   💧---------------💧

...नानाभाऊ माळी

बंधू भगिनींनो!

पानं अनेक असतात!झाडांनां असतात!वेलींना असतात!लेखनातील वहीची देखील असतात!कालांतराने झाडांची,वेलींचे पानं कोमेजतात!वाळतात!सुकतात अन शेवटी गळतात!....वहीची पानं काळानुरूप जीर्ण होत जातातं!त्यांवरं लिहिलेली शाईची अक्षरं हळूहळू क्षर होतं जातातं!जीर्ण-क्षिर्ण कागदावरील ती अक्षर शब्दरूप घेत सोन्यासारखी चमकत रहातात!जीर्ण कागदं सोनेरी होत जातातं!पानं सोनेरी होत रहातात!चमकत रहातात!दिपवतात देखील!🌹

परवा२३जून होता!आज २५जून आहे!दिवस घामेजलेला होता!ढगांनी पाणी गळू द्यायचं नाही असं ठरवलेलं होतं!तृष्णा घेऊन उगीचच परीक्षा घेत होते!

तृष्णा मनाची देखील असते!आवडी नुसार असते!भूक पोटाला लागते!मनाला देखील लागते!...मन चंचल ते!...व्याकुळ असतं!.... साहित्याची!कलेची!चित्रकारितेची!संगीताची भूक लागल्यावर मन अतिशय व्याकुळ होतं असतं!तृष्णा शमविण्यासाठी त्याचे पाय आपोआप ओढ लागलेल्याकडे धाव घेतं असतं!माझं ही मन त्या घामेजलेल्या वातावरणात बेचैन झाल होतं!...योगायोगाने!दैवयोग संयोगाने काल मी धुळ्यात होतो! कळत न कळत माझे ही पाय त्या पवित्र सोनेरी पानाकडे ओढलं गेलं!आई सारखी माया करणारे ते पान कुटुंबवत्सल विशाल हृदयी होतं!स्वकर्माचं पुण्य सोबत घेऊन उभं होतं!ज्ञानस्पर्शाची परिपूर्णता जाणवतं होती!ऋषीरुपाचं तेज डोळ्यांतून प्राशुनं घ्यावेसे वाटतं होतं!ते सोनेरी पान डोळे दिपवत असतांना सोनेरी झेंडूचं फुल वाटू लागलं होतं!...ज्ञान मंदिरातील पवित्र गाभाऱ्यात ते विसावलेलं दिसलं होतं!🌷

ज्यांच्या शिवाय अहिराणी भाषेची सोनेरी वही अपूर्ण आहे!इतिहास अपूर्ण आहे!असे काही पानं आहेत!...त्यातील एक अतिशय महत्वपूर्ण पान आहे!.....हो हिमालयाएवढा आकार आहे त्याचा!शिखरा एवढी उंची असूनही निर्गवी!इतर सर्व लहान मोठी झाडे-झुडपे!लता-वेलीनां स्वतःच्या अंगा-खांद्यावर घेऊन मोठे करणारे!बळ देणारे!स्वतःमागे राहून इतरांना मोठे करणारे!सतत पाठीशी राहून प्रोत्साहन देत मार्गदर्शन करणारे!साहित्य आणि कला क्षेत्रातील ऋषितुल्य ज्ञानयोगी!...सोनेरी झळाळी असलेलं विशाल हृदयी पान म्हणजेच..….आदरणीय आप्पासाहेब!....आप्पासाहेब विश्रामजी बिरारी सर!🌷

घरात साधे-सरळ मार्गी!शांत सुस्वभावी!संसारी पण महायोगी! सत्शील!.निगर्वी आदरातिथ्यकार व्यक्तिमत्त्व!विद्याव्यासंगी! सत्याचा स्वत्वासोबत नाळ जोडणारे!कलेसाठी समर्पित व्यक्तिमत्त्व!पूर्वी शाळेत कला शिक्षक!संगीत विशारद अन संगीत दिग्दर्शक!महान चित्रकार!मराठी अन अहिराणी भाषेसाठी अनंत गाणे लिहून संगीतबद्ध करणारे कवी-संगीतकार!गायक!चित्रपटकार....अन याचं जून महिन्यात ११तारखेला वयाची ७९ वर्षे पार करून उत्तम आरोग्याचे खणखणीत वाजणारें नाणे म्हणजेचं आदरणीय आप्पासाहेब विश्रामजी बिरारी सर!कलेसाठी अविश्रांत कार्यमग्न राहून स्वतःच्या वयालाही लाजवतात!त्यांच्या भारदस्त पहाडी आवाजाची जादू मनाला भावते!🌹

 

गंगोत्रीतून गंगेचा जन्म होतो!पवित्र जल विशाल रूप घेत गंगा विस्तारते!भारतीय श्रद्धेला पवित्रतेचा मार्ग दाखवत मार्गक्रमण करीत रहाते!तद्वतच सरस्वती प्रसन्न असलेल्या

आप्पासाहेबांच्या मुखातून आपल्याला कला साधनेचा आविष्कार अनुभवावयास येत असतो!शांत-निर्गवीपणाचें!माय ममतेचे, कनवाळूपणाचे भाव बाहेर येत असतात!मी ही त्यांच्या पवित्र शब्दांनी न्हाऊन निघालो होतो!संगीत कला ऋषीतुल्य व्यासंगी उपासक मला हृदयातून आपलेसे वाटले!त्यांच्या बोलण्यातली नैसर्गिकता मनाला भावणारी होती!साहित्य,कला,संगीत, कविता,गायकी अशा सर्व प्रांतात विहार करीत सतत मार्गदर्शन करणारे आप्पासाहेब उंच शिखरावर असूनही!दिपस्तंभ असूनही आपलेसे वाटले!हृदयातलें वाटले!विठू माऊली सारखे भासले!आई सारखे वाटले!कर्ण सारखे दानी वाटलें!सर्वांना आपलेसे करणारे आप्पासाहेब ज्ञानयोगी आहेत!🌹

अनेक चित्र आप्पासाहेबांनी काढलेली आहेत!..महाराष्ट्र बालभारती पाठ्यपुस्तक मंडळाच्या अनेक पुस्तकांची मुखपृष्ठे मुखपृष्ठावरील चित्रे आप्पासाहेबांनी काढलेली आहेत!चित्रकार!..गायक!निवेदक!संगीतकार!चित्रपटकार अशा अनेक भूमिका पार पाडणाऱ्या अष्टपैलू व्यक्तिमत्वाला सलाम करतो!🌹

आदरणीय आप्पासाहेबांना अनेक पुरस्कारांनी गौरविलेले आहे!त्यातील एक आदर्श शिक्षक पुरस्कार आहे!कुठलाही बडेजाव नाही!साधी रहाणी!..त्यांच्या कार्यकर्तृत्वाबद्दल बद्दल लिहितांना शब्द अपुरे पडतील एवढ महान योगदान आहे आप्पासाहेबांचं!....🌹

त्यांच्या भेटीने!त्यांच्या पवित्र स्पर्शाने!आशीर्वादाने मी बापुडा नतमस्तक होत गेलो!माझ्यातील अहंकार हळूहळू जळू लागला!त्या पवित्र वास्तूतून पवित्र चंदनाचा सुवास दरवळत राहिला!मी ज्ञानयोगीचं दर्शन घेऊन निघालो!अशा पितृतुल्य व्यक्तिमत्वासाठी शंभर वर्षाहुनही अधिक जीवन त्यांना प्राप्त होवो अशी त्या निर्मिकास प्रार्थना करतो🌷🌷

--------------------------------------

🌷🌷🌷--------🌷🌷🌷

..नानाभाऊ माळी

हडपसर,पुणे

मो.नं ७५८८२२९५४६

        ९९२३०७६५००

दिनांक-२५जून२०२१